ბრენდები

Helly Hansen – მეზღვაურების სამოსიდან ურბანულ სტილამდე

Ბრენდ “Helly Hansen”-ის დაფუძნების წინაპირობა ნორვეგიის ცივი და ნოტიო კლიმატი გახდა. 1877 წელს, კაპიტანი ჰელი იუელ ჰანსენი მიხვდა, რომ მეზღვაურებს წყალგაუმტარი სამოსი სჭირდებოდათ და მეუღლესთან, მარენ მარგრეტესთან ერთად, ამ გამოწვევას პროფესიული საზღვაო ტანსაცმლის ბრენდის შექმნით გაუმკლავდა.

„ჰელი ჰანსენის“ ქარხანა ნორვეგიის ქალაქ მოსში მდებარეობს. 140 წელზე მეტია, კომპანია მუდმივად ვითარდება და პროდუქციის გააფართოებასთან ერთად, დღეს უკვე, მსოფლიოში მაღალი ხარისხის სპორტული და სალაშქრო აღჭურვილობების მწარმოებელი წამყვანი ბრენდის სტატუსს ირგებს. 

დაარსებიდან, სულ რაღაც, ერთი წლის თავზე, „ჰელი ჰანსენმა“ პარიზის მსოფლიო გამოფენაზე პირველი ჯილდო დაიმსახურა.

Ჰელი იუელ ჰანსენის ინოვაციური ქსოვილი – ცნობილი, როგორც „მუშამბა“, მეზღვაურებისა და მეთევზეების პროფესიულ საქმიანობაში რევოლუციური სიახლე აღმოჩნდა. ბრენდმა წყალგაუმტარი ტექნოლოგიების დახვეწა და გაუმჯობესება განაგრძო, რაც საბოლოოდ, 1980-იან წლებში, Helly Tech® ქსოვილის სახელში ითარგმნა.

ქურთუკები, შარვლები თუ ფეხსაცმელები – “Helly Hansen”-ის პროდუქციის უპირატესობები მათი ფუნქციურობით, ხარისხითა და გამძლეობით აიხსნება. ბრენდის მიზანმა, სხვადასხვა ინდუსტრიის პროფესიონალებისა (რომლებსაც ღია ცის ქვეშ უწევთ საქმიანობა) თუ სპორტსმენებისთვის მათს პროფესიაზე მორგებული სამოსი შეექმნა – გაამართლა!

“Helly Hansen” სპორტსმენების, მოლაშქრეებისა თუ სხვა პროფესიის მქონე ადამიანების მიერ, მსოფლიოში აღიარებული ბრენდია.

Helly Hansen-ის პროდუქტების უპირატესობების ჩამონათვალი:

წყალგაუმტარია. სუნთქავს: Helly Tech®-ის სახელით შექმნილი პროდუქცია გარანტიას გაძლევთ, რომ ნებისმიერ ამინდში თქვენი სამოსი მშრალი დარჩება. Ბრენდის წყალგაუმტარი ტექნოლოგიით დამუშავებული ქსოვილი ხელს უშლის სამოსში როგორც წყლისა და ტენის შეღწევას, ისე ოფლის გარეთ გამოშვებას.

გამძლეა: ბრენდის პროდუქცია მზადდება მასალებით, რომელიც გათვლილია არახელსაყრელ პირობებშიც კი, ხანგრძლივი გამოყენებისთვის.  

ტემპერატურას ინარჩუნებს: “Helly Hansen”-ის ქსოვილი სხეულის სითბოს ინარჩუნებს, რაც ნოტიო და ცივ კლიმატურ პირობებშიც თავს კომფორტულად გაგრძობინებთ. 

Სპეციალური 3-შრიანი საფარი აქვს: “Helly Hansen”-ის პროდუქტები საშუალებას გაძლევთ, თქვენი ტანსაცმელი ნებისმიერი ამინდისა თუ ფიზიკური აქტივობის მიხედვით მოირგოთ. 

Ნაოსნობა, თხილამურებით სრიალი, ლაშქრობა, სპეციფიკური პროფესიული საქმიანობა თუ უბრალოდ, სპორტულ სამოსში კომფორტულად ყოფნა – „ჰელი ჰანსენი“ სანდო არჩევანია მათთვის, ვინც სრულყოფილებას ითხოვს. 

Helly Hansen-ის დიზაინი, მრავალფუნქციურობასთან ერთად, თანამედროვე და დახვეწილია. მიუხედავად იმისა, რომ ბრენდის ფესვები სათავეს მეზღვაურებისთვის განკუთვნილი სამოსიდან იღებს, ბრენდი საკუთარ პოზიციას ურბანულ სტილშიც, უფრო და უფრო, იმყარებს. 

Hally Hansen-ის საზაფხულო კოლექციის სანახავად, ეწვიეთ Adrenaline-ის ვებგვერდს.

Related Posts